特區護照の真実

最近在香港討論區只到有人作以下留言，覺得他說得太好了，特此轉貼。
各位香港人，準備重新投向BNO的懷抱吧！
為保持內容的完整性，以下文章的廣東字將不言會作任何修改。)






特區護照絕對冇你地講得的咁好,
只係你的政府太曉宣傳了, 不如我講下例子:

第一係免簽資料, 呢個持區政府, 做事真的求其, 好多資料根本係錯的,
例如好多非洲同南美洲國家, 人地的官方網站根本冇話免簽, 只係種種理由先以為免簽,
如果你去呢 o的國家, 咁真係恭喜你, 隨時準備返屋企!
而且好多數字, 好睇唔好食, 法國屬土俾香港護照免簽, 但你知唔知, 有冇留意,
特區政府當左十個免簽, 我心諗, 喂你唔好報得咁大喎, 一個國家免你十一個免簽
(包括法國本土), 你個數梗係大啦, 但其實根本係誤導, 成日講到好似咁多國家免簽

如果你好有心機咁去做兩本護照的免簽比較 (我做 o左了), 你會發現, 剔除兩本護照
的官方網站的錯誤資訊, 兩本護照免簽差別根本好少, 尤其如果再唔計冷門地區,
我以旅行社普遍有冇套票或旅行團去定義熱冷門, 咁我發現, 除 o左小部份東歐國家,
基本上全世界只有澳洲, 印尼, 埃及同土耳其係特區護照待遇比 BN(O) 優厚,
而且呢四個國家 BN(O) 都可以落地簽證或者代辦, 一 o的都唔麻煩,
你去得旅行駛得一萬幾千, 唔會計較 o個幾百掛?

第二係你唔好以為你黃皮膚, 去亞洲地區一定受歡迎啦, 咁你就錯了,
你的好同胞 - 大陸同胞, 非法事太識做了, 宜家有 o的中東國家,
見到你係中國護照, 反而未必俾你入境, 如果你渣英國護照, 即使 BN(O),
反而更順利, 又或者一 o的南美洲等國家, 時有傳出遣返大陸人的新聞,
如果你咁 o岩到訪, 你要同你的文明兼衛生的同胞, 鎖埋一齊的, yeah!

第三係你本護照太似中國護照了, 你會問顏色唔同點會搞錯? 中國護照紅色喎!
咁你就錯了, 中國護照乜顏色都有, 公務因私外交, 通通有齊, 色色俱備,
所以你的同胞的護照, 去到邊都要簽, 你 o個本當然唔例外啦, 明明政府話免簽喎?
記住呀, 傻仔, 香港政府的資料, 講明 reference only 咋!

第四係好多香港人都話特區護照有中國大使館理你, BN(O) 英國唔睬你,
唔該你 o地用用腦, 睇多 o的文章先, 你唔好以為中國大使館一定你你 o的小小香港人啦,
如果你只係 o的雞毛蒜皮的小事, 仲要偉大到用粵語或者好爛的國語同佢 o地講,
求佢 o地, 咁你真係好講運氣了, 你的小事, 無宣傳價值, 中國大使館, 唔一定幫你的,
呢 o的情況出現過了, 正如英國大使館唔一定幫你一樣. 所以我會話, 一切講運,
倒不如靠你個保險公司會更好, 又或者你苦練一番國語先啦!

仲有你地好似漏左樣野唔記得左, 你渣 BN(O) 一樣可以搵中國大使館的,
而特區護照唔可以搵英國大使館喎, 而且香港人係以香港永久居民身份搵中國大使館的,
唔係用你本護照去搵.

同埋, 最近德國餐館被滅口一事, 大家有留意到嗎? 你知唔知個大廚, 係渣 BN(O) 的,
但德國有關方面的答覆係, 死者中冇中國公民, 即係話德國有關方面, 或者至少德國警方
的概念係, BN(O) 都係英國公民, 佢 o地只會將資料交俾英國的, 咁的情況, 你話點呢?
o係外國, 雙重國籍時有出現, 我覺得德國警方極有可能視 BN(O) 的人係雙重國籍.

最後, 呢一點宜家的特區護照一定冇問題, 但將來我真係唔睇好的, 就係內地孕婦產子問題.
粵語都有句習俗叫做一粒老鼠屎搞壞一鍋粥, 偉大的同胞, 見到一本去外國咁方便的護照,
點會 "浪費" 呢? 肯定將來有 "香港人" 名正言順去外國, 然後唔走人, 賴死做黑工.
你都唔好當外國政府係 lulu, 只要三兩個呢種人出現, 外國肯定 review 免簽政策,
到時 "香港人" 原來係好鍾意打黑工, 但外國政府又苦無方法, 點分你係咪土生土長喎,
分到都俾人話歧視啦, 到時, 索性撒銷免簽, BN(O) 繼續免簽, 咁咪分到囉, 哈哈